– Не се подготвував ништо специјално, освен стандардните анализи кои ги правам настап на нов турнир. Можам да кажам дека ми тргна одлично и потоа успеав да ја задржам концентрацијата до крај. Мислам дека пресудно беше тоа што верував дека можам да ја освојам оваа прва велемајсторска норма,- вели Лазов во својата прва изјава по настапот во Будва.

Овој резултат од Будва доаѓа откако на првенството на Македонија кон крајот на август Лазов стигна до уште една титула со сениорскиот тим на ШК Алкалоид, при што имаше шест бода од шест настапи. Овојпат со 6,5 поени од 9 партии тој се најде и на 10 место по учинок меѓу сите играчи во конкуренција на четврта табла со рејтинг перформанс од 2.600, кој укажува дека турнирот го одиграл на далеку повисоко ниво од неговиот актуелен рејтинг 2.356, кој сега ќе биде зголемен за нови 27 поени.

– Настапот на Лазов се карактеризираше со сигурна игра, сериозен пристап и тоа веднаш донесе резултат. Едноставно изгледа подготвен и се забележува дека работел, па затоа и нормата е сосема заслужена. Дури играше и две-три партии додека беше болен, па тоа треба да се земе предвид кога се оценува неговиот успех,- изјави ИМ Атанас Кизов, селектор на машката репрезентација.

Во конкуренција на 38 екипи, Македонија имаше 32 стартен ранг и со освоени 6 бода се наоѓа на делба од 32 до 36 место.

Женската репрезентација имаше исто така 32 стартен ранг, а со 7 поени се најде на делба од 23 до 27 место. Актуелната државна шампионка, ЖФМ Моника Стојковска, членка на ШК Алкалоид, играше на првата табла против со многу посилни противнички, и на крајот го подобри својот рејтинг за нови 10 поени.

Фото: Архива на ШК Алкалоид